હિમોગ્લોબીન કેટલું હોવું જોઈએ ? મહિલા-પુરુષ અને બાળકોમાં હિમોગ્લોબિનની અછત કંઈ રીતે કરશો દુર?

How Much Hemoglobin Need For Healthy Life ? : બાળકોથી માંડીને પુખ્ત વયના લોકોમાં હિમોગ્લોબીન કેટલું હોવું જોઈએ ? આ પ્રશ્ન જેટલો સામાન્ય દેખાઈ છે. તેટલો જ જરૂરી છે. હિમોગ્લોબિન એક પ્રકારનું પ્રોટીન છે. આ પ્રોટીન આપણા શરીરમાં રહેલા લાલ રક્તકણોમાં જોવા મળે છે. આ કોષોમાં આયર્ન હોય છે. ઓક્સિજન આયર્ન સાથે મળીને હિમોગ્લોબિન બનાવે છે.

જ્યારે તમારા લોહીમાં હિમોગ્લોબિનનું પ્રમાણ ઘટે છે, ત્યારે કોષોને પૂરતું ઓક્સિજન મળતું નથી. રક્ત પરીક્ષણ દ્વારા હિમોગ્લોબિનનું સાચું સ્તર જાણી શકાય છે. હિમોગ્લોબિન ગ્રામ દીઠ ડેસીલીટર (g/dl)માં માપવામાં આવે છે. પુરૂષના શરીરમાં હિમોગ્લોબિનની સામાન્ય શ્રેણી 14 કે તેથી વધુ હોય છે અને સ્ત્રીઓમાં હિમોગ્લોબિનની સામાન્ય શ્રેણી 12ની હોવી જોઈએ. વૃદ્ધોનું હિમોગ્લોબિન થોડું ઓછું હોય છે કારણ કે તેમના શરીરમાં આયર્નની ઉણપ હોય છે અને તેઓ રોગોને કારણે વધુ દવાઓ લે છે. જેમ પુખ્ત વયના લોકોના શરીરમાં હિમોગ્લોબિનનું સ્તર સામાન્ય હોય છે. તેવી જ રીતે બાળકોમાં પણ હિમોગ્લોબિનનું સ્તર સામાન્ય હોય છે. જ્યારે હિમોગ્લોબિન નિર્ધારિત રેન્જ કરતાં ઓછું હોય ત્યારે બાળકો રોગનો શિકાર બની શકે છે. 

► બાળકોમાં હિમોગ્લોબિનનું સામાન્ય સ્તર?

નવજાત શિશુમાં હિમોગ્લોબિનનું સ્તર પુખ્ત વયના લોકો કરતા વધારે છે. કારણ કે ગર્ભાશયમાં ઓક્સિજનનું પ્રમાણ વધુ હોય છે. બાળકની ઉંમર સાથે હિમોગ્લોબિનનું સ્તર ઘટે છે. બાળકના શરીરમાં હિમોગ્લોબિનનું સામાન્ય સ્તર નીચે મુજબ હોય છે.-

3 થી 6 મહિનાના શિશુઓમાં હિમોગ્લોબિનનું સામાન્ય સ્તર 9.5 થી 14.1 ની વચ્ચે હોવું જોઈએ.

6 થી 12 મહિનાના બાળકમાં હિમોગ્લોબિનની સામાન્ય શ્રેણી 11.3 થી 14.1 ની વચ્ચે હોય છે.

1 થી 5 વર્ષના બાળકોમાં હિમોગ્લોબિનની સામાન્ય શ્રેણી 10.9 થી 15.0 ની વચ્ચે હોવી જોઈએ.

5 થી 11 વર્ષના બાળકોમાં હિમોગ્લોબિનની સામાન્ય શ્રેણી 11.9 થી 15.0 ની વચ્ચે હોય છે.

► પુખ્ત વયના લોકોમાં હિમોગ્લોબિનનું સ્તર કેટલું હોવું જોઈએ

હિમોગ્લોબિનનું સ્તર પુખ્ત વયના પુરુષો માટે 14 થી 18ની વચ્ચે હોવું જોઈએ. જ્યારે સ્ત્રીઓ માટે સ્તર 12થી 16 ની વચ્ચે હોવું જોઈએ.

► ઓછા હિમોગ્લોબિનથી શું થશે?

• સ્વભાવે ચીડિયા.

• હાંફ ચઢવી.

• ભૂખ ન લાગવી.

• સતત થાક અને નબળાઈ અનુભવવી.

• માથાનો દુખાવો અને ચક્કર.

• નબળા નખ.

• ત્વચામાં પીળાશ.

► શરીરમાં હિમોગ્લોબિન કેવી રીતે વધારવું?

શરીરમાં હિમોગ્લોબિન વધારવા માટે તમારે દાડમ ખાવા જોઈએ. દાડમમાં પ્રોટીન, કાર્બોહાઈડ્રેટ, ચરબી, ફાઈબર, આયર્ન અને કેલ્શિયમના ગુણો છે. દાડમ બાળકો માટે સુપરફૂડનું કામ કરે છે. આ સિવાય કિસમિસ ખાવાથી હિમોગ્લોબિનમાં વધારો થાય છે. કિસમિસમાં કેલ્શિયમ, પોટેશિયમ, સોડિયમ અને આયર્ન જેવા પોષક તત્વો મળી આવે છે. તેનું સેવન કરવાથી લોહી વધે છે. અડધો કપ બાફેલી પાલકમાં લગભગ 3.2 મિલિગ્રામ આયર્ન હોય છે. હિમોગ્લોબિન વધારવા માટે પાલકનું સૂપ બનાવી તેને પીવું જોઈએ.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Health News In Gujarati - ગુજરાતી સમાચાર - હિમોગ્લોબીન કેટલું હોવું જોઈએ ?  how much hemoglobin level need for Boy Girlf to live healthy life in gujarati - Health News Article in Gujarati